تحديث 2026: تم تحديث هذا المقال بإضافة إطار تطبيقي لتصميم Gamification قابل للقياس في الحملات التسويقية.
اللوعبة في التسويق: لماذا لا تستطيع مقاومة Shake & Win؟
باكره من زمان أبليكيشن Jumia Pay الخاص بدفع الفواتير وقررت كذا مرة أني ألغيه ومستخدموش تاني ولكن مكنتش باقدر أقاوم أني أفتح الأبلكيشن ألعب Shake & Win وأفضل أهز في التليفون وأستنى الجايزة وده كان نوع من انواع اللوعبة في التسويق.
وكذلك أبليكشن فودافون مشاكله كتيرة، ولكن كانت متعة كبيرة أني أفضل ألف البكرة وأشوف حاكسب إيه، والجيم كان مشكلته الملل، ولكن أول ما جابوا جهاز التجديف الجديد وأنا حاجزوه ليا وشغال لعب عليه.
وأخيرًا مكنتش عمري باحب أسمع الراديو ولكن مكنتش باقدر أفوت حلقة واحدة من برنامج من الجاني.
لماذا لا نستطيع مقاومة اللعب؟
اللعب غريزة أساسية لدى الإنسان مرتبطة بيه في جميع مراحله العمرية من أول اللعب بالمكعبات والألوان وهو طفل صغير لحد لعب الدومينو والشطرنج وهو كبير.
اللعب مش مجرد ترفيه…
اللعب وسيلة تحفيز، توقع، مكافأة، وتحدي.
وعشان كده لما يتحول إلى أداة تسويقية، بيبقى تأثيره أقوى من مجرد عرض خصم عادي.
ما هي اللوعبة في التسويق (Gamification)؟
ونتيجة لقوة تأثير اللعب في تعديل وتوجيه سلوك الإنسان، بدأت مجالات البزنس المختلفة تستخدم اللعب لخدمة أغراضها، وبدأ استخدام مصطلحات جديدة مكنتش موجودة قبل كده وهي الـ Gamification أو اللوعبة في التسويق، وهي استخدام تقنيات اللعب في أغراض غير اللعب.
اقرأ أيضًا: اللوعبة في السياحة و الـ Gamification
وبدأ حديثًا جدًا استخدام اللوعبة في التسويق أو الـ Gamification in Marketing، وهو تصميم أساليب لزيادة تفاعل العملاء مع العلامة التجارية عن طريق اللعب.
كيف تعمل Gamification فعليًا؟
هنا تلاقت ثلاث مجالات لتدعم اللوعبة في التسويق:
1️⃣ التكنولوجيا
اللي بتتيح عمل انبهارات ميكانيكية وإلكترونية وتجارب تفاعلية جذابة.
2️⃣ علم التسويق
اللي بيخطط للهدف الأساسي من اللعبة:
هل الهدف زيادة التفاعل؟
ولا جمع بيانات؟
ولا رفع المبيعات؟
3️⃣ علم السيكولوجي
اللي بيحط التفاصيل الدقيقة اللي بتخلي الـ Gamification تأثر بقوة في المستهلك:
-
التوقع
-
عنصر المفاجأة
-
المكافأة
-
نظام النقاط
-
التقدم المرحلي
Technology هي الوسيط
Marketing هو الهدف
Psychology هو المحرك الحقيقي
لماذا تعتبر Gamification أداة قوية سلوكيًا؟
اللعب يفعل:
-
نظام المكافأة في المخ
-
الدوبامين المرتبط بالتوقع
-
التعلق الناتج عن التقدم المرحلي
-
الرغبة في الإكمال
عشان كده بنرجع نهز التليفون تاني.
وبنلف العجلة تاني.
وبنرجع نفتح التطبيق تاني.
في رأيي، الـ Gamification هي واحدة من أقوى الوسائل التسويقية لجذب الانتباه وزيادة التفاعل وتحفيز المشاعر.
لكن الفرق بين لعبة عشوائية ولعبة مؤثرة… هو التصميم السلوكي.
متى تتحول Gamification إلى أداة زيادة مبيعات فعلية؟
السؤال مش: هل تستخدم اللعب؟
السؤال: هل صممته بهدف سلوكي واضح؟
Gamification بدون:
-
هدف
-
قياس
-
رحلة مستخدم
-
تحفيز نفسي مدروس
تبقى مجرد حركة شكلية.
لكن لما يتم ربطها بـ:
-
مسار تحويل واضح
-
مكافأة مرتبطة بالقيمة
-
تقدم تدريجي
-
نظام تحفيز محسوب
ساعتها تتحول من لعبة… إلى أداة ROI.
الأسئلة الشائعة حول اللوعبة في التسويق
هل Gamification تناسب كل الأنشطة؟
نعم، لكن تصميمها يختلف حسب طبيعة الجمهور والهدف السلوكي.
هل تزيد Gamification المبيعات فعلًا؟
عند ربطها بمسار تحويل واضح يمكن أن ترفع التفاعل والتحويل بشكل ملحوظ.
ما الفرق بين عرض ترويجي عادي و Gamification؟
العرض يعطي حافزًا مباشرًا، أما Gamification فتخلق تجربة تجعل العميل يتفاعل بإرادته.
هل يمكن استخدامها خارج الأونلاين؟
نعم، في المتاجر التقليدية، المعارض، الفعاليات وحتى في تجربة المنتج نفسها.
من الفكرة إلى المنهجية
تدريب اللوعبة في التسويق هو الأول والوحيد من نوعه باللغة العربية، واللي حتوصل فيه لمرحلة القدرة على تصميم الـ Gamification واستخدامه في حملات التسويق سواء أونلاين أو في المتاجر التقليدية.
الفكرة مش إنك تعمل لعبة…
الفكرة إنك تصمم تجربة تؤثر في القرار.
اقرأ ايضا مقالة سياسات التسعير (خصم ولا بونص؟ – ?Discount or Bonus)
اشترك الآن في أول دبلومة باللغة العربية مزجت بين علم النفس والتسويق
وهي دبلومة التسويق السيكولوجي
يمكنك تحميل كتاب سبيل الإبداع في فنون الإقناع من علي الموقع
—————-
انضم لمجموعة التيليجرام لمعرفة كل جديد عن الـ Consumer Psychology in Marketing، وللحصول على عروض خاصة على الكتب والدورات التدريبية
