اللوعبة في التسويق

باكره من زمان أبليكيشن Jumia pay الخاص بدفع الفواتير وقررت كذا مرة أني ألغيه ومستخدموش تاني ولكن مكنتش باقدر أقاوم أني أفتح الأبلكيشن ألعب Shake & Win وأفضل أهز في التليفون وأستنى الجايزة وده كان نوع من انواع اللوعبة في التسويق .

وكذلك أبليكشن فودافون مشاكله كتيرة، ولكن كانت متعة كبيرة أني أفضل ألف البكرة وأشوف حاكسب إيه والجيم كان مشكلته الملل، ولكن أو ما جابو جهاز التجديف الجديد وأنا حاجزوه ليا وشغال لعب عليه. وأخيرًا مكنتش عمري باحب أسمع الراديو ولكن مكنتش باقدر أفوت حلقة واحدة من برنامج من الجاني.

اللعب غريزة أساسية لدى الإنسان مرتبطة بيه في جميع مراحله العمرية من أول اللعب بالمكعبات والألوان وهو طفل صغير لحد لعب الدومينو والشطرنج وهو كبير.

ونتيجة لقوة تأثير اللعب في تعديل وتوجيه سلوك الإنسان، بدأت مجالات البزنس المختلفة تستخدم اللعب لخدمة أغراضها، وبدأ استخدام مصطلحات جديدة مكنتش موجودة قبل كدة وهي الـ Gamification أو اللوعبة في التسويق ، وهي استخدام تقنيات اللعب في أغراض غير اللعب.

اقرأ ايضا مقالة اللوعبة في السياحة و الـ Gamification

وبدأ حديثًا جدا استخدام اللوعبة في التسويق أو الـ Gamification in Marketing، وهو تصميم أساليب لزيادة تفاعل العملاء مع العلامة التجارية عن طريق اللعب وهنا

تلاقت ثلاث مجالات لتدعم اللوعبة في التسويق

وهي التكنولوجيا، وعلم التسويق، وعلم السيكولوجي التكنولوجيا اللي بتتيح عمل انبهارات ميكانيكية وإلكترونية التسويق اللي بيخطط للشكل العام للـ Gamification من الهدف الأساسي ونوع اللعب وتوقيته والسيكولوجي اللي بيحط التفاصيل الدقيقة اللي بيخلي الـ Gamification يأثر بقوة في المستهلك

——-

تدريب الـ اللوعبة في التسوي   هو الأول والوحيد من نوعه باللغة العربية واللي حتوصل فيه لمرحلة القدرة على تصميم الـ Gamification واستخدامه في حملات التسويق سواء أونلاين أو في المتاجر التقليدية

. في رأي الـ Gamification هي واحدة من أقوى الوسائل التسويقية لجذب الانتباه وزيادة التفاعل وتحفيز المشاعر.